தஞ்சாவூர் பிப் 16: தஞ்சை -திருச்சி 4 வழி சாலையில் பிளாக் ஸ்பாட் இடங்களை மாவட்ட ஆட்சியர் தினேஷ் பொன்ராஜ் ஆலிவர் பார்வையிட்டு ஆய்வு செய்தார்.
தஞ்சாவூர் மாவட்டம், தஞ்சை -திருச்சி தேசிய நெடுஞ்சாலை 67-ன் நான்கு வழிச்சாலையில் உள்ள புதுக்குடி, மனையேறிப்பட்டி, முன்னையம்பட்டி மற்றும் பிள்ளையார்பட்டி ஆகிய இடங்களில் உள்ள பிளாக் ஸ்பாட் இடங்களை (இன்னுயிர்க் காப்போம்) மாவட்ட ஆட்சியர் தினேஷ் பொன்ராஜ் ஆலிவர் நேரில் சென்று பார்வையிட்டு ஆய்வு செய்தார். பின்னர் அவர் கூறியதாவது:
தஞ்சாவூர் மாவட்டத்தில் தஞ்சை திருச்சி தேசிய நெடுஞ்சாலை 67-ல் நான்கு வழிச்சாலையில் விபத்துக்கள் ஏற்படும் இடங்களை பார்வையிட்டு ஆய்வு செய்யப்பட்டது. இந்த ஆய்வில் குறுகிய கால நடவடிக்கையாக பெல்வாய் பகுதியில் கூடுதல் கருவிகளை வழங்க வேண்டும்.
நீண்ட கால நடவடிக்கையாக பாதாள சாக்கடை திட்டப்பணிகளை விரைவுபடுத்த வேண்டும். சர்வீஸ் சாலைக்கான முன்மொழிவு மற்றும் மதிப்பீடு செயல்பாட்டில் உள்ளது. குறுகிய கால அளவீடுகள் அதாவது ரம்பிள் கீற்றுகள், நெடுஞ்சாலைகளில் பிளிங்கர்கள், எச்சரிக்கை பலகைகள் ஆகியவை ஏற்கனவே இந்த இடத்தில் வழங்கப்பட்டுள்ளன.
இருபுறமும் உள்ள சர்வீஸ் சாலை, நடுப்பகுதி திறக்கும் இடம் வரை நீட்டிக்கப்பட உள்ளது. மேலும் ஸ்வேதா பெட்ரோல் பங்க் அருகே அங்கீகரிக்கப்படாத சர்வீஸ் ரோடு மீடியனை மூட அறிவுறுத்தப்பட்டுள்ளது. பிள்ளையார்பட்டி சாலையில் இடைநிலை (அலங்கார) செடிகளை நட்டு பராமரிக்க சம்பந்தப்பட்ட அலுவலர்களுக்கு அறிவுறுத்தப்பட்டுள்ளது. இவ்வாறு அவர் தெரிவித்தார்.
ஆய்வின் போது தேசிய நெடுஞ்சாலை ஆணைய அலுவலக தளப்பொறியாளர் ஸ்ரீநிதிஷ், மூத்த பொறியாளர் விக்னேஷ்வரன், தஞ்சாவூர் வட்டார போக்குவரத்து அலுவலர் முருகன், வட்டாட்சியர் மணிகண்டன் மற்றும் பலர் உடன் இருந்தனர்.
நாகராஜன் நிருபர்
https://thanjai.today/