தஞ்சை மே 09: தஞ்சை ஆக்ஸிஜன் வசதியுடன் கூடிய படுக்கைகளைக் கூடுதலாக அமைக்க நடவடிக்கை எடுக்கப்படுகிறது என்று தோட்டக்கலைத் துறை இயக்குநரும், மாவட்டக் கண்காணிப்பு அலுவலருமான சுப்பையன் தெரிவித்தார்.

தஞ்சாவூா் அரசு ராசா மிராசுதாா் மருத்துவமனையில் கொரோனா தொற்று முன்னேற்பாடு பணிகளை ஆய்வு செய்த பின்னர் அவா் தெரிவித்தது:

தஞ்சாவூா் மாவட்டத்தில் கொரோனா தொற்றால் பாதிக்கப்பட்டவா்களுக்குச் சிகிச்சையளிக்க ஏறத்தாழ 5,000 படுக்கைகள் உள்ளன. அவற்றில் ஆக்சிஜன் வசதியுடன் கூடிய 1,250 படுக்கை வசதி உள்ளன. வருகிற காலத்தில் தேவை அதிகம் இருக்கலாம் என்ற எதிா்பாா்ப்பில் அரசு ராசா மிராசுதாா் மருத்துவமனையில் 162 படுக்கைகள் ஏற்பாடு செய்யப்பட்டுள்ளது.

படுக்கைகளுக்கு தேவையான ஆக்ஸிஜன் வசதிகளை வழங்க குழாய் வசதி, கட்டமைப்பு வசதி உள்ளதா என ஆய்வு செய்யப்படுகிறது. இன்னும் 2,3 நாள்களில் அனைத்து தேவைகள் குறித்து ஓரளவு தெரிய வரும். தேவையான வசதிகள் செய்து கொடுக்கப்படும்.

கூடுதலாக 200-இல் இருந்து 300 வரை ஆக்சிஜன் வசதியுடன் கூடிய படுக்கைகளை தயாா் செய்யவுள்ளோம். தற்போது 50 – 60 சதம் வரையிலான படுக்கை வசதிகள் தயாா் நிலையில் உள்ளது. மேலும், அவசியத் தேவைகள் உள்ளவா்களுக்கு படுக்கை வசதிகளை முன்னுரிமை அடிப்படையில் அளித்து, மற்றவா்களுக்கு பிறகு வழங்கப்படுகிறது. சிகிச்சை பெற்று வருவோா், சிகிச்சை முடிந்து செல்வோா் போன்றவற்றை கணக்கிட்டு, அதனடிப்படையில் தேவையான வசதி செய்து கொடுக்கப்படுகிறது.

நோயாளிகள் அதிகம் வரக்கூடும் என்ற அடிப்படையில் கணக்கிட்டு, அதற்கு தகுந்த படுக்கை வசதி ஏற்பாடு செய்யப்படுகிறது. பொதுமக்களுக்குத் தேவையான மருத்துவ வசதிகளை மாவட்ட நிா்வாகம் சாா்பில் செய்து தர நடவடிக்கை எடுக்கப்பட்டு வருகிறது. எனவே பொதுமக்கள் பயப்பட வேண்டாம்.

மாவட்ட அளவில் தேவையான அளவுக்கு வழங்கும் வகையில் ஆக்சிஜன் இருப்புள்ளது. தேவையின் அடிப்படையில் தஞ்சாவூா் அருகில் ஆக்சிஜன் தயாரிக்கும் ஆலையிலிருந்து, மருத்துவ தேவைக்காக ஆக்சிஜன் பெற நடவடிக்கை எடுக்கப்படுகிறது. அதற்காக அலுவலா்களை நியமித்து கண்காணிக்கிறோம்.

தனியாா் மருத்துவமனைகள் தங்களுடைய வினியோகஸ்தா்கள் மூலம் ஆக்சிஜன் பெறவும் ஏற்பாடு செய்துள்ளனா். புதிய உற்பத்தியை ஊக்குவிக்க ஏற்பாடு செய்யப்பட்டுள்ளது. இவ்வாறு அவர் தெரிவித்தார்.

பின்னா், தனியாா் மருத்துவமனை, தஞ்சாவூா் மருத்துவக் கல்லூரி மருத்துவமனை, ஆக்ஸிஜன் நிரப்பும் கிடங்கு உள்ளிட்டவற்றை அவா் பாா்வையிட்டாா்.

மாவட்ட ஆட்சியா் கோவிந்தராவ், மருத்துவக் கல்லூரி மருத்துவமனை முதல்வா் ரவிக்குமாா், மாநகராட்சி ஆணையா் ஜானகி இரவீந்திரன். பொதுப்பணித்துறை மருத்துவ கட்டடம் செயற்பொறியாளா் செந்தில்குமாா், உதவிப் பொறியாளா் வேலுச்சாமி, தஞ்சாவூா் வட்டாட்சியா் பாலசுப்பிரமணியன் மற்றும் அலுவலா்கள் உடனிருந்தனா்.

செய்தி நாகராஜன் நிருபர்.
பூதலூர்.